扖仔欺騙賭客手法公開

Wela

轉載網站︰http://winnermacau.com/forum/%E6 ... 5%E5%85%AC%E9%96%8B

近排見都很多年青人被扒仔欺騙，有見及此小弟將年前既親身經歷寫出來，希望為一D過澳門既新手有所防備。

呢個刻骨銘心既故事，發生在年前5月的某一天，記得當日係女朋友既生日又正直小弟放大假中，因為女友要同屋企人食飯既關係，小弟決定隻身過澳門賭錢，本人不是新手經常都會同一個朋友或自己過去，從來都沒有想過有這樣的事情發生在自己身上..............

話說當日下午時份已到達萄京一切如常先過大細台玩WIN了幾錢後(在身旁經常有Dp街問四哥洗唔洗幫手呀果D人已經見怪不怪，我當然沒有理會)過左陣有個二十多歲既女仔行過來搭訕內容如下：-女：你成日過來玩嫁﹖

我：係呀一個禮拜一兩次到啦，你呢﹖女：我響度做野嫁我：做咩﹖女：找客人去貴賓廳賭錢囉我：係咩

女：係呀，我見你都賭得幾大喎點解唔去玩百家樂呀﹖我：我唔識玩，我賭得都唔係好大姐幾仟蚊上落女：唔識唔緊要玩下囉我：我得幾仟蚊咋喎女：大有大玩細有細玩姐，我地去出面餐廳食D野一陣上去玩我：是但啦

色字頭上一把刀，以為自己好靚仔+有運行咁都溝到女點知.........去到餐廳(沙圈果間)到坐底叫野食，條女電話響起，聽到佢講話

女：同個客一齊，好..一陣見，掛線女：我有個同事一陣過來介紹你識啦，一陣我地上去玩你唔識玩佢會幫你玩嫁我：哦......

過左陣一個自稱響賭廳到做既7頭皮(打扮斯文既西裝友)來了。女：呢個係我同事西人：你好，點稱乎呀(好有禮貌地)。我：你好。跟住我同西人同條女三個人有講有笑，戲肉來了。西人：我地一陣上去玩要玩泥碼，你打算玩多少﹖我：我得幾仟蚊響身。西人：我地最少換兩萬喎，不如咁啦我叫公司借比你先。分12期還就算輸你每個月都係還二仟蚊度。

我：心諗每個月都唔係好多姐，應該冇問題(點解我咁ON9會信佢講)。西人：咁你寫低D資料同I.D.比我出去影印。你響度等我一陣(後尾先知原來條p街出去打電話去我屋企，同我老豆講我輸左十雞你跑定山還錢，唔係就同你個仔收屍)

我：好，咁我就梗係溝下女先啦，過左陣西人返來西人：攪掂喇可以行得我：OK，埋單西人：得..呢餐等我請。我：乜咁客氣。

西人：識多個朋友冇乜所謂啦。如是者一行三人上左樓上鑽石廳，每口最低消費一仟蚊，當然2萬蚊碼加埋每WIN一口仲要比佢抽水，結果話咁快就輸晒啦。響半推半就下借多2萬，途中女仔話收工走了換了另一個西人B頂替。

跟住來既結果唔洗我講大家都估到啦，輸清光後西人問我仲賭唔賭，我堅決話唔賭。跟住佢話西人B會送你返HK及HK有同事送到你返屋企門口，confirm左你既住址後佢地就會走，咁你就分期還錢入落我地個a/c就得喇，如是者我就被西人B騎龍返左HK，西人B仲買埋船票比埋的士錢全程以禮相待，佢仲同我講我都係賺一仟蚊靜係送到你返HK其他事跟佢冇關係，話咁快就返到HK喇，已經有3條7頭皮左恭侯大嫁。

西人B將我交左比果3個7頭皮之後就走左，我又再被3條古惑仔騎返屋企原途又係以禮相待，沒有兇9過我，仲同我講去到你屋企門口confirm左你地址就會走喇，返到去之後佢地當然沒有走啦入左我屋企曹9醒我D屋企人就同我講依加你條數已經賣斷左比我地HK呢面你要還錢比我地，曹左一輪我話明天比你地我現在冇辦法(凌晨3點幾)。

我話落樓下坐唔好嘈住屋企人，跟住一行4人落左公園坐，他們還在跟我吹水聊天問我點解咁ON9信果邊D人講野，如是者過了半個鐘有差佬到，原來屋企人報左警於是一行四人返差館，落口供途中差佬問我佢地有冇兇9我同打9我，我答冇，咁佢地話這樣我幫唔到你D咩嫁喎，即係話明知佢地係數佬都告佢地唔入，因為佢地好醒又冇兇9我又冇打9我，我一條毛都冇少到，攪左一大輪終於走得了為免日後有手尾跟所以我第日跑山入返幾雞野比佢地，故事講完。此乃個人親身經歷希望能夠給你們昨一防備。

P.S.入賭場請注意不要隨便跟陌生人交談由其係衣著斯文果D(不論男女)

賭場打滾人士一般可分為以下幾類：

1. R爛腳：係一啲人，在賭場摶人打賞茶錢或問人欏錢既人，佢地冇殺傷性，但就好煩，在你背後又話買乜買物，自己又唔買，當你中左，又話叫你俾茶錢之類，總括黎講，就係煩，但冇殺傷力。

2. 疊碼仔：好多人成日分唔開疊碼仔同扒仔既分別，疊碼仔，叫做係正當職業，係賭場或賭廳既經紀人，佢地專責介紹客人去賭廳或賭場賭錢，從中收取佣金，呢啲人既客，賭親都會好大，一般人係唔會遇到疊碼仔既，更加唔會響場中，搵啲賭一二百既師奶、賭仔去賭，邊度搵到食？如果有疊碼仔搵你去賭，你都賭得唔細啦。

3. 大耳窿：亦即貴利，雖話不合法，但都算係你情我願之事，呢啲人係問你要唔要幫手，借錢俾你之類，但當然，要付出相當高既利息，但都會明買明賣，不過，都係唔好惹為妙啦。

4. 扒仔：係賭場中最乞人憎及殺傷力最大既一類，呢類人，化身成為各式各樣人物，男女都有，手法不一而足，但多數係用利誘你去第二度賭，或者係用乜野優惠、船票、桑拿優惠之類，甚者會使用美色在ICQ或MSN中找尋獵物，目的係摶取你信任或套取個人資料，屈你欠佢錢，或屈你賭，然後從中套取巨利，呢種人，尤如強盜、小偷、騙徒，要絕對小心。總的來講，以上的人，除疊碼仔少遇到外，其他的都係想欏你著數的人，少惹為妙。